شهادة مهند سمير.. تجميع هاشتاج #وسخات_ميدان

تقديم:
حكايات مهند على مسؤوليته، ولست أرى أنها الحقيقة، كما أنني لست ممن يرون أنه خارج دائرة الشك، والحكايات عنه تتهمه بكثير مثلما يتهم هو به الأخرين. بس أدينا بنتفرج عليهم. ونحاول نفهم.

#‏وسخات_ميدان (1)

الـ18 يوم أجمل وأحلي أيام حياتي. الميدان أكثر مكان أمان في مصر. حسني مبارك تنحي والصفقه ابتدت تتعمل. الإخوان قبليها بيوم راحوا قعدوا مع عمر سليمان.

مبارك تنحي ومقدرش أحدد بقي مين اللي كان بيعمل كدا علشان منافقش. بس الذقون قعدت تلف الميدان وبيهتفوا: الشعب يريد اخلاء الميدان.
وفعلا معظم الميدان مشي وده كان أول خازوق إن احنا سيبنا الميدان من غير جدول زمني لمطالبنا.

‫#‏وسخات_ميدان (2)

بعد التخلي بتاع مبارك، المجلس العسكري جاب شفيق رئيس للوزراء. أول مرة الجيش يضرب فينا بعد ما كانوا ولاد الوسخة أكلين شاربين معانا. اتجمعنا بعد العشاء في الصينية واتقسمنا تلات جبهات، جبهة بتاعت الجبهة الوطنية للتغيير أحمد معتز ودينا الغمري وحسن علي الله يرحموا. كانت أكبر غلطة عملها، بتهيألي الوحيدة، إن اشتغل مع الناس ده فترة. علي فكرة حسن علي اترمي من بلكونة شقته، والداخلية قالت انتحر وقتل في ظروف غامضة. أيوا الإتنين...

وكان معاهم بردوا فرقة النطيطة بتوع ائتلاف شباب الثورة، وحبه قليلين من الناس المحترمة. دول راحو عند مجلس الوزراء واتفشخو هناك من الجيش، وجبهة بتاعت باب اللوق، ودول اخواتنا الرجالة ومنهم أحمد عصام، وجبهة تالتة احنا طبعا بلا فخر. رجالة طلعت حرب، ومش أنا اللي هاحكي عنهم، وبردو الجبهتين دول أكلو علقة بنت وسخة هما كمان، ومحدش يقول ماجد بوليس، ده ابن قحبه، كان بيضرب معاهم. ماجد بوليس حبس ميدو مطرية اليوم ده، وكل اللي حصل ده كان بسبب الأسامي. والائتلاف اللي كان النطيطة بيعملوه، والإخوان وحزب الوفد والنصارى والتجمع، ولسا فيه تاني

28 فبراير بداية الوساخة كلها.

‫#‏وسخات_ميدان 3

اعتصام مارس بداية التعريص، يعني طارق زيدان.

ممدوح حمزة يعني الجبهة بتاعت عمرو واكد، محدش يقول عمرو ومش عمرو. هو محترم بس كل اللي معاه كانوا شمال. واعتصام مارس ده عايزلو أسبوع لوحده، وأكيد ائتلاف تعريص الثورة.

احنا لسا مبتديناش علة فكرة.

#‏وسخات_ميدان 4

‫#‏اعتصام_مارس

حماصة قعد يلعب في دماغ كل اللي على البوابة علشان نخش نقعد في الصينية. محدش وافق يخش معاه. الكلام ده بقي عجب مين؟ مهند طبعا. قولت أروح أقعد مع حماصة، وأبقي هنا وهنا. حماصة عامل ايه بقي، اتعرف على واحدة اسمها أسماء. الله يرحمها جالها سرطان واتكلت علي الله، ما علينا الخيمة دي بقى مين اللي كان بيمولها؟ طارق زيدان. ومين بقى كانوا كلابه؟ واحد اسمه أسامة. ده صاحب الصورة الشهيرة اللي مع ماجد بوليس، ومحمد فتحي السواق بتاعه، وطقم حلو هنجيبو واحدة واحدة، وقللك بقى بيلموا ناس ويخدو بياناتهم علشان يعملو حاجة اسمها: ائتلاف مصر الحرة. وده طبعا طبعا هيخدم الثورة، وهيكون كيان معارض بيتكلم باسم ثوار ميدان التحرير.

#‏وسخات_ميدان 5

9 مارس

كانوا مقسمينها على بعضيهم تلات أجزاء:

الإعاشة مسؤولية الجبهة الوطنية

اللي بيتكلموا باسم الميدان: ممدوح حمزة وائتلاف شباب التعريض وطارق زيدان

واللجان الشعبية مسؤولية أحمد توفيق

والدنيا كانت حلوة، والأشية معدن.

هامش

من قام بقتل الثوار في محمد محمود ومن قتل الإخوان في رابعة عسكري.

متخليش كرهك للاخوان يعميك عن الحقيقة. لو رابعة كان فيها سلاح، ميدان التحرير كان فيه سلاح، الإخوان خانوا الثورة، وحطو إيديهم في إيد المجلس العسكري، والثوار خانوا الثورة وحطو إيديهم في إيد الفلول. 30 يونيو كان إنقلاب قام به العسكر بأموال الفلول، واستغلال الثوار بطريقه غير مباشرة. مرسي كان لازم يمشي باستفتاء.

#‏وسخات_ميدان 6

نقول تاني: أنا مش محسوب على حد. أنا محسوب على نفسي، ومكنتش باتكلم قبل كده علشان مجتليش فرصة بس مش أكتر.
اللي حصل أيام المجلس العسكري باحكيه علشان متكلمتش قبل كده عنه، وكنت هاتكلم عن الشمال بتوع فترة الإخوان، بس لما أقول اللي عايز أقوله كله عن فترة المجلس العسكري.

فترة الإخوان مفيش وساخة وتعريص أكتر من كده.

أولا: أول من دخل السلاح ميدان التحرير كان حمادة مصري، واللي كان بيجبله السلاح علشان يوصله للرجالة: الفردة (جمع فرد وهو مسدس محلي الصنع) كانت بتيجي من أرض اللواء من عند عباس الراوي، ومصطفى الجندي كان بيجيب البنادق، ومجدي عشم كان بيجيب الطلق، وعباس برده كان بيبعت لحمادة طلق. هوب ميرفت موسي بقت هي كمان بتجيب سلاح وطلق للي كانوا معاها. مين بقي ظهر بعديها علطول؟ فياض كان علطول معاه محمد وديع بتاع ظباط 8 أبريل، وده كان فيلم تاني لوحده. بعد كدا ظهر البوب الكبير ممدوح حمزة، وده بقي مخابرات علي فلول علي احنا آسفين يا ريس. متعرفلوش ملة، وعلى فكره أنا اتعاملت مع ممدوح كتير، وكنت بحبه لغاية من قريب جدا. وما خفي أعظم.

‫#‏وسخات_ميدان 7

الجنب بتاع حمادة مصري:

قولنا الفردة كانت بتيجي من أرض اللواء من عند عباس الراوي، وعلى فكره عباس ومحمد مصطفي كانوا جيران سالم مديح الله يرحمه، ونرجع ونقول سالم مات ليه؟ ومين اللي موته؟ سؤال يطرح نفسه الله أعلم بقي. مينفعش طبعا ننكر دور أسامه منصور وسامح المصرى وأكيد طبعا مجدي عشم والطلق اللى كان بيجيبه من الداخلية، ومصطفي الجندي أبو جلابيه اللي كان بيجبلهم سلاح عن طريق أحمد فضالي وشبل همام وجرير منصور رجاله فتحي سرور.
والجدير بالذكر علشان تبقي شهادة حق: كان فيه وسط المجموعة دي ناس محترمة، ولما شافت الوساخة دي بعدت زي محمد عيد وكريم عجمي.

ولسه في من ده كتير وما خفي أعظم.

‫#‏وسخات_ميدان 8

هي دائرة واحدة مرتبطة ببعضها. الصغير بيجيب الكبير. المرة دي مش هاكتب على القتل والسلاح اللي كان في الميدان. هتكلم على المكاسب اللي كسبوها من تجارة الدم، وللأسف كسبو منه كتير أوي.

ائتلاف أرض اللواء اللي اتعمل بدم سالم مديح

وأعضاء الائتلاف اللي أكلوها والعة

عباس الراوي

سليمان الخطيب

عادل هوجان

عبد النبي شحاتة

ميزو

بدر

أبو فاروق

أيمن

محمود الراوي أخو عباس

محمد مصطفى وهو ساب الائتلاف بقاله فترة.

وعلشان مبقاش باكدب أو بأنافق. أنا معرفش شخصيا في أعضاء الائتلاف غير محمد مصطفى، وعباس. علاقتي مع محمد كانت كويسة، وعباس مكنتش أعرفو أوي، كنت باشوفو بس مكناش بنتعامل مع بعض.

والغطاء السياسي للائتلاف كان مصطفى الجندي، وطبعا حمادة مصري.

والمره دي في كام اسم هيجد في الموضوع زي عمرو الشوبكي. أيوة هو عضو مجلس الشعب السابق وعضو جبهة الإنقاذ.

عبد الحكيم عبد الناصر. أيوة هو ابن جمال عبد الناصر.

حسام عيسى. أيوة هو الوزير الأسبق للتعليم العالي.

عباس اللي بقى المتحدث الرسمى باسم الائتلاف، واللى هيبقى أغلبية الكلام عليه، عمل بالائتلاف أحلى شغل في أرض اللواء. وضع يد على أراضي، فرد إتاوات وبلطجة، مشاريع تطوير للمنطقة. زي ايه بقى علشان محدش يقول إن احنا بنفتري على الناس الشريفة بالباطل:

وضع إيده على ترعة الزمر بعد ردمها، وهدم زواية جامع بجانب الترعة بحجة عمل سلم مشاة، وكل ده بموافقة محافظ الجيزة علي عبد الرحيم، وأغلبية اجتماعات الائتلاف مع المحافظ كان بيحضرها حمادة مصري. ومحيط معظم الأرض دي اتحول لجراجات سيارات بيكلو منها عيش رجالة عباس، وأكيد هو طبعا.

هوب المصلحة الأكبر الإمارات بعتت منحة 50 مليون جنيه لـ13 منطقة عشوائية. الإدارة الهندسية للجيش هي المشرفة على الموضوع. تلت الميزانية بس لمنطقة أرض اللواء. في بقى مناقصة اتعملت من الحي، والمناقصة رسيت على عباس وأعضاء الائتلاف بمساعدة مين؟ المحافظ ونائب رئيس الحي: سامى الخواجة

المشروع كان سفلتة وإناره ورصف وتبليط. الكلام ده كان رمضان اللي فات. الشركة أخدت المتر بـ11جنيه. قصت 2 جنيه، وسلمته للحي. الحي وسمسار قصولهم جنيه. وسلموه لعباس. اتفق عباس على متر الصبة اللى بتتعمل قبل الانترلوك بـ6 جنيه، وكان بياخد فرق 2 جنيه، وكان بيسلم متر الانترلوك للمقاول بـ4 جنيه.

يبقى كدة الفرق 4 جنيه في مشروع تطوير للمنطقة كلها. شوفو بقى كام ألف متر. عدو انتو بقى. ده غير الإنارة.

لسه  باقي المشروع منقول ليمين المحور من شهر بالظبط.

الغريب بقى واللى قرفني في الموضوع ده إن أخو سالم مديح انضم للائتلاف، وراكب في الليلة دي. يا عم أخوك اتقتل.

وعباس واخد جراج كبير أوى قصاد مرور الجيزة، واللى مخلصلو موضوع الجراج ده عمرو الشوبكي، علشان عباس وقف جنبه فى انتخابات 2012 بتاعت الإخوان. أصيل عمرو مبينساش حد وقف جنبه.

ويا محمد يا مصطفى انت خرجت من الائتلاف علشان ريحته فاحت، والمحافظ ورئيس الحي اتشالو. انت إيديك متوسختش بدم، وأنا عارف كدة. بس الله أعلم إنت كنت شايف وساكت وعجبك وعلى مزاجك. أنا مظلمتكش وعارف إنك بعدت عنهم، وبتحاول تصحح غلطك معاهم. بس اللي باقولو حصل.

نرجع لمرجوعنا: هتقولى ايه علاقة عبد الحكيم عبد الناصر وحسام عيسى بالفيلم دة. حاضر هقولك. مصطفى الجندي من ساعة ما نزل أيام الإخوان وهو بيحاول يعمل جبهة أسامى ليها وضعها السياسى والاجتماعي. وحسام عيسى وعبد الحكيم عبد الناصر كان عاجبهم كارت مصطفى الجندي بتاع سالم مديح. مؤتمرات وندوات واجتماعات ولقاءات ومداخلات، ويلا بينا

عايز بقى أقول حاجة. أنا نزلت الميدان ومكنتش تميت 18 سنة، فشوفت كل حاجة، وعارف الكل على حقيقته. لو كنت ساكت قبل كدة مش خوف منكو، كنت بظبطلكو c.v بتاعكو.

ووعد ووعد الحر دين، هاقول كل حاجة أعرفها خلال الفترة اللي شاركت فيها في الثورة،

وكل اللي قولتو ده وقولتو قبل كدة سطر في مجلد.

الصورة ده لمؤتمر للائتلاف. وهو دة عباس الراوي اللي جنب يوسف الحسيني

‫#‏وسخات_ميدان 9

معلش أنا ماكنتش بكتب الأيام اللي فاتت علشان كان في أحداث كثيرة، وأخرها إعدام 6، وتعيين الزند وزير العدل، واليومين اللي فاتوا ماكنتش بقدر أفتح الأكونت، وكمان تم القبض علي أكثر من 40 متهم في أحداث مجلس الوزراء، ولسه لغاية دلوقتي معملوش إعادة إجراءات، فالوضع بقي صعب بالنسبالي شوية إني أبقى أونلاين طول الوقت، وبصراحة معنديش استعداد أقع في إيديهم وأرجع السجن.

نرجع لمرجوعنا: 

أول يوم أنزل فيه الاعتصام ضد مرسي كان أول اعتصام يتعمل في ميدان التحرير ضد الإخوان. اللي هو بعد موت جيكا، وبعد أحداث الاتحادية كانت أول مرة أشارك في اعتصام. أول ما خرجت من السجن كان السلاح لسه ظاهر في ميدان التحرير. كان في طلعة حماده مصري بيجهزلها. كان مصطفي الجندي قايل له يبعت العيال يعملوها. كانت حريق حزب الوفد اللي اتهم فيها الإخوان المسلمين فيما بعد. مش الإخوان اللي ولعو في الحزب. ده حماده مصري، وعمل من ده كتير. زي حريق مؤمن، والقزاز، ومقرات الإخوان.
اليوم ده، ويشهد علي الكلام ده كثير، اتخانقت مع حمادة، وقولتله انت ممسك العيال سلاح عايز تحبسهم. في الوقت ده كانت لسه مجموعة حماده بتقول يا هادي. كان مصطفي الجندي لسه مجبش سلاح تقيل بنادق حي وخرطوش. السلاح اللي موجود في الميدان كان مع حمادة بيجي من مصطفي الجندي واللي معاه، وكان فيه سلاح موجود في خيمة خالد البطران بييجي من الظباط المتقاعدين.

ميدان التحرير كان فيه سلاح، واللي ينكر منافق. السلاح اللي كانوا بيجيبوه الفلول والمزروعين من رجالة المخابرات وسطينا.

‫#‏وسخات_ميدان 10

أحداث الاتحادية اللي اتقتل فيها الحسيني أبو ضيف:
في تلك الأحداث كان الثوار والإخوان في حاله احتقان. واقفين لبعض علي غلطة علشان يموتو بعض. هو ده اللي كان مطلوب. مصطفي الجندي في الوقت ده لسه مكنش عمل جبهته اللي ضمت كتير في ما بعد، ومن ألمع نجومها:

عصام خير الله

عبد الحكيم جمال عبد الناصر

حسام عيسي

نور الهدى

محمد غنيم

سامح عاشور

محمود كبيش

وباقة من نجوم الساحة السياسية الصاعدة الواعدة. كان بيستعين بناس بأجر من عابدين والسيده زينب قبل أحداث الاتحادية.

الكلام علي لسان واحد من السيدة زينب اسمه عمرو الجزار: مصطفي الجندي راحلوا عابدين عايز ناس تبقي موجودة في الاتحاديه بسلاح. عمرو قالوا عايز نص مليون جنيه. أنا هاخد ناس بسلاح وأنزل الاتحادية ببلاش؟ افرض حد اتحبس ولا مات. أنا اللي هاتسأل في رجالتي. نص مليون جنيه يتحطوا قصادي أعملك اللي انت عايزه. مصطفي الجندي مرضيش. كان شايف إن نص مليون كتير.

حماده لقي حل. فيه ناس في ميدان التحرير ممكن تعمل كده ببلاش لمجرد كرههم للإخوان. نجبلهم كام فرد وكام كرتونة طلق، ودول أمرهم سهل. عباس الراوي مش بعيد. مشوار لغاية أرض اللواء، واحنا أولى بالنص مليون، والرجالة دي هتعمل الواجب، وده اللي حصل. أكتر من 70 كرتونة طلق جت من أرض اللواء، وشويه فرده.

أنا مش هاقول مين الناس اللي راحت. بس أقسم بالله وربي اللي يعز ويذل، معظم اللي راحوا ما كانوا عارفين إن الناس دي كده. واعترفوا بغلطهم، وبعدو عن الأشكال دي، والله ما كانوا فاهمين. بس الرجالة مرحتش ضربوا إلا بعد موت الحسيني أبو ضيف، وكانوا رايحين علي إن الإخوان قتلوه. مع إن اللي قتل الناس في أحداث الاتحادية هي الداخلية. واللي يقول غير كده بيكدب على نفسه.

#‏وسخات_ميدان 11

سوف أحاول أن أختصر علي قدر استطاعتي. 28 يناير 2011، أول مشاركة لي في الثورة. نزلت من منزلي ولم أكن أتممت 18 سنة، ولم يكن عندي وعي أو خبره سياسية مثلي مثل معظم جيلي. لكن كان عندي دوافع تجعلني أشارك.

في الميدان وجدت حب وعائلة ووعي سياسي وثقافات وأفكار كلها جديدة بالنسبه لي، ولدت من جديد. رأيت الحياة بشكل مختلف. حلمت مع الموجودين بدولة جديدة ومجتمع مختلف يوجد به حريات وآراء جديدة، وأفكار جديدة. حلمت معهم بمدنية الدولة.
عرفت قيمة الحياة. عرفت معني كلمة إنسان، وأصبحت على قناعة تامة إن ثوار يناير علي حق، وثورة يناير المجيدة ثورة شباب قامت من أجل أهداف سامية.
لم يكن لي خبرات أو وعي سياسي، لكني تعرفت علي جميع الأفكار داخل الميدان. لم أنضم لحزب أو حركة أو جبهة أو حتى رابطة لأني لم أكن أريد أن يقتصر معي الوضع علي فكرة ما.

كنت أريد الحرية المطلقة واستقلالية الأفكار، فلم أتبع أحد. تبعت نفسي وتبعت ما أراه من وجهة نظري المتواضعة. في أحداث مجلس الوزراء أصبت بطلقى حي في قدمي اليمني، واستشهد أعز صديق لي رامي الشرقاوي وهو يحاول أن يسحبني من خط النار. تم اعتقالي لمده تزيد عن 10 أشهر من 8 يناير2012 حتي 28 أكتوبر 2012، وتم الحكم علي في تلك القضية في شهر فبراير 2015 بالمؤبد 25 سنة سجن لأني اختصمت محمد حسين طنطاوي وزير الدفاع الأسبق وسامي عنان مساعده، وقلت في محضر النيابة إن الجيش هو من قام بقتل رامي، وأصابني في قدمي.

خرجت من السجن عندي أرضيه سياسية مثلما يقولون، والضوء كان مسلط علي. كان يتمني الكثير أن يصبحوا مكاني. لم أشارك في لقاء تليفزيوني غير مرة واحدة، وعرض علي الكثير من اللقاءات مع كبار المذيعين في ذلك الوقت لكني كنت أرفض، فما هو الفكر الذي سيضيفه فتي لم يتجاوز الـ19 من عمره، فأنا مؤمن بالتخصص، وأيضا إنكار الذات، فسبب كبير من سبب ضياع ثورتنا هو ظهور ما يسمون أنفسهم بالنشطاء علي الفضائيات.
أصبت من جديد في ليلة رأس سنة 2013 بطلقة خرطوش في الجزء الأيسر من وجهي، استيقظت من غيبوبة، فوجدت نفسي بين أشخاص لم أكن أعرفهم، فالجميع يتاجر باسم البطل علي الفضائيات. أحزاب وحركات وائتلافات أعلنت إني عضو فيها، وإنه يجب القصاص من نظام الإخوان من أجل ما قاموا بفعله بي، مع إن من قام بإصابتي لم يكن إخوان، بل بلطجية أرسلهم  قسم قصر النيل، بسبب مشكلة قمت بافتعالها مع معاون ورئيس مباحث القسم.

سلط علي الضوء من جديد، لكن تلك المرة كانت أقوى. لم أخذ فرصة لأستعيد عافيتي، فأصبحت مكروه لعدد كبير ممن يلقبون أنفسهم بالثوار، بتوع يسقط كل من خان، مع إني لم أرى أي منهم أيام المجلس العسكري، فهؤلاء معظمهم أول مشاركه ليهم كانت في عهد الإخوان. لم يشاهدوا ما حدث أيام المجلس العسكري. كل ما يعرفوه عن تلك الفترة قصص سمعوها على مواقع التواصل.

استقيموا يرحمكم الله، لن تنجح تلك الثورة ما دمتم علي هذا الوضع. أصبح الوضع بالنسبة للكثير لعبة، وأخرين يرونها مطمع، وأخرين يريدون الشهرة، وأخرين يؤمنون بأشخاص تابعين لمن يقولون عليهم النخب. وأخرين ينتظرون قائد.

قطار وكل واحد بينزل في محطته. الثورة ليست حكرا على شخص أو على جماعة أو على حركة. أسف على المقدمة التي قد يمل منها البعض، لكن حتى يعلم من يقرأ ما أنشره من هذا الشخص وما هي توجهاته فقد نساني البعض لاني لم اكن في الشهره اطمع فقد اتت لي بدل الفرصه اثناتين لكن هذا لم يكن غرضي غرضي الاول و الاخير هو النصر لثورتي

لم انتهي ممن ذكرتهم فيما سلف في كتاباتى لكن الجميع مرتبط ببعضهم بعض فهم جميعا يخدمون جهة واحده

باب اخر من #وسخات_ميدان

محمد وديع ظابط القوات المسلحة الذي انضم الثوره في الثامن من ابريل 2011 هو و اخرين من افراد ظباط القوات المسلحه الذين كانوا يعارضون حكم المؤسسة العسكرية للبلاد لكن ذلك كان فيلم من اخراج المؤسسة العسكرية الذي تم اكتشافه مؤخرا فقد تم الزج به هو زملائه الظباط لاكثر من عام في السجون العسكرية بتهمه محاوله قلب نظام حكم و الخ ..

و لم يتم الافراج عنه الا في عهد الاخوان علي حد ذكري فعاد الي الميدان من جديد فكان بالنسبه للكثير شراره امل محمد وديع الذي عاد الي الخدمه من جديد و تم ترقيته الي رتبه رائد ظل يحوم و يحوم حتي يعلم من هم الشباب الذين يشاركون دائمآ في الاشتباكات وأراد ان يتعرف عليهم فحدث ذلك بالفعل ذلك التعارف تحول فيما بعض الي تدريبات ليست تدريبات بمعني الكلمه بل كان يعلم الشباب أساسيات القتال التكتيكي علي حد قوله و انا بنفسي حضرت معه جلسه لكن لم يعجبني الوضع ليس لاني كنت اعلم ما هو مخططه و ماذا كان يريد و عندي رؤيه لما سيحدث فيما بعد لا

لكن لاني لم احب دور التابع او يقودني احد فا انا لست بتابع و انا اقود نفسي و كل من يعرفني يعلم عني ذلك بالفعل شكل وديع مجموعته و لكن ليس قبل ان يبهرهم بقدراته فقبل ان يحوم علي الشباب و يجلس معهم كان قد اراهم ما يستطيع ان يفعله في احداث المقطم ليست الاولي بل ثاني احداث التي قد قام فيها في البدايه المتظاهرين بمهاجمة مقر جماعه الإخوان بالمقطم فكل ما قاموا بفعله ليس حبا فيهم لكن هذا حق الله هو الدفاع عن انفسهم لكن هم كانوا حمقي كانوا يدافعون عن انفسهم بالنار الحي الحمقي فكلما كان يصاب أحد من المتظاهرين كانت تزيد شده الحقن بينهم بعض فجاء محمد وديع و معه صديق له سوف اذكر اسمه فيما بعد و هو عارض مشهور يظهر في البرامج و الافلام و الاغاني و كل منهم يحمل بيده بندقيه عيار 762 في 39

موديل كلاشينكوف AK 47

ناهيك عن من كانوا يحملون ايضا اسلحه في ذلك اليوم لكن دعنا ننتهي من وديع فقاموا بعمل عرض ابهروا بيه الشباب و كان همزه الوصل بينه و بين الشباب هو محمد فياض من يحدد مواعيد الإجتماعات وامكان اللقاءات فا من بعد تلك الاشتباكات كثر ظهور محمد وديع و كان يلاحقه مثل ظله محمد فياض

ثاني ظهور لوديع و صديقه كانت في احداث عبد المنعم رياض علي ما اظن فالاحداث كثيره تلك هي نفس الاحداث التي استشهد فيها سالم مديح

فا في نفس اللحظه التي مات فيها سالم مديح كان محمد وديع فوق كوبري اكتوبر يناضل بجانب الداخليه للدفاع عن ميدان التحرير ضد الاخوان انتقلت الاحداث الي ميدان رمسيس كل ذلك لم يكن هناك اي دور للشباب التي تم عمل لهم غسيل مخ فبعد ان انتقلت الاحداث الي رمسيس كان للشباب شبه دور ابتدائي فكانوا يلعبون بافرد الخرطوش امام متظاهرين الإخوان و لم يصيوا احد علي ما اظن

ثم ظهر من جديد علي حد مايقولون ان في ذلك اليوم هجمت مجموعة من الاخوان فجر ذلك اليوم علي ميدان التحرير و راح أثر تلك الاشتباكات شاب اسمه عمرو من العمرانيه لم يبلغ العشرين من عمره فظهر و ايضا في تلك الأثناء كانت هناك مساير لجماعة الإخوان تمر من عند جامعة القاهرة فاشتبكت مع اهالي منطقه بين السريات فاكانت هناك حالة نفور عند الشباب المعتصمين بميدان التحرير لحزنهم علي فقدان صديقهم فا من اين ظهر وديع لا اعلم لم يكن موجود و ظهره فكره ان يثار الشباب من موت صديقهم بمهاجمه اعتصام النهضه مع استغلال ان هناك اصلن اشتباكات مع اهالي بين السريات و متظاهرين الإخوان فتحرك وديع و معه اكثر من خمسه عشر شب لمهاجمة اعتصام النهضه و بالفعل حدث و لن اكذب انا كنت موجود لكن و حق صيامي لم اكن احمل سلاح فانا لم اكن اثق بذالك الشخص فذهبت معاهم لان من تلك المجموعة كان يوجد بها ناس كنت اعتبرهم اخوه و لاني من نفس المنطقه المحيطه لميدان النهضة و قام وديع و من معه بمهاجمة الإعتصام و لا اعلم ان كانت هناك إصابات بين افراد الجماعه المعتصمين بالميدان او لا بعدما أنهوا ما جاؤوا لفعلوا ذهب الكل الي طريقه

ثم ظهر ثاني من جديد تلك الاحداث لم اكن شاهد عليها لكني متاكد بوجوده فيها

احداث الحرس الجمهوري المنصه التي استشهد فيها عيسي

كان محمد وديع متواجد فيها يحمل بندقيته يقف بجانب افراد الداخلية و الجيش يطلق النار علي المتظاهرين و اعلم من كانوا معه لكن ليس بامر مهم ذكر اسامي الشباب ففي الاول و الاخر هم لم يمتلكوا الخبره و العقل الكافي كي يحسبوا الاموار فى ذلك الوقت و هذا كل ما اعلمه عن تلك الاحداث بالنسبه لمحمد وديع

ثم ظهر من جديد في فض إعتصام رابعه ايضا هذه الأحداث لم اكن شاهد عليها ايضا لكني علي يقين بوجوده فيها فعندما حضرت معه تلك الجلسه التي كان المفروض انه كان بيعلم الشباب الرمايه و فك و تجميع السلاح كان يتحدث عن حلمه لفض اعتصام رابعه فهو كان يكره ذلك المكان و المعتصمين فيه و كان دائما يحاول ان يظهر للشباب ان ما يفعلونه هذا هو الصواب و انه لن يقوم بمهاجمة اعزل و انه يقوم برفع السلاح في وجه من يرفعه عليه و ان ما يغعله هذا هو حق الله و كان قد وضع بنفسه خطه للفض و كان يحلم بان يقوم بالفض بنفسه و من معه من الشباب

ثم تم فض اعتصام رابعه ال لا انساني من قبل أفراد القوات المسلحة و الداخليه و كان محمد وديع موجود و كان يساند الشرطه و الجيش اخواته في الخدمه

اسف لتاخري عن النشر منذ اخر مره كنت نشرت شئ يخص الهاشتاج لكن من يتابعني يعلم بما أواجه فأرجو التماس العذر لي

#‏وسخات_ميدان 12

عصابه الفخراني

حمدي الفخراني

عضو حزب الجبهة الديموقراطية ، عضو الجمعيه الوطنيه للتغير ، عضو في البرلمان الشعبي الموازي الذي اسس بعد تزوير انتخابات 2010 ، عضو اتحاد الثورات العربيه ، نائب سابق في مجلس الشعب المصري 2011 ، 2012

ذلك الشخص خان الثوره قبل ان تقوم حتي فا هو مثله مثل معظم جيله

جيل العار يخدم علي المؤسسة العسكرية خان دماء الشهداء و تاجر بسجن المعتقلين لمصلحته الشخصيه فهو لم يشارك في ثورتنا المجيده من اجل و طن افضل بل من اجل فخراني افضل فلنتخطي ما ارتكبه من خيانه للثورة و الثوار في عهد طنطاوي و ناتي الي التمادي المريع للخيانة في عهد الاخوان المسلمين فقد قام الفخراني بتأسيس مجموعه مسلحه كي تقوم بأعمال قد كلف هو بها من جهات سيادية و اظن اننا نعرف من هي الجهة السياديه فاحمدي الفخراني مثله مثل معظم جيله كلب للمؤسسه العسكرية

تلك المجموعة كان يقودها نجله و شخص اخر كنت قد اكن له الاحترام و التقدير لكن طريق المال و السلطه علي ما أظن قد يجعل الكثيرون يتنازلون عن مبادئهم و ذلك الشخص معروف لدي كثير من الثوار و هو علاء زغلول و انتهي الأمر بجزء من تلك المجموعة في السجن لجشعهم فهم فقط لم يكتفوا بحرق مقرات الإخوان المسلمين والا الدخول وسط الاشتباكات و ضرب النار الحي و الخرطوش بل فيما بعد استغلوا تدهور الحال الامني و سرقه 3 بنوك و هم محبوسين علي ذمه تلك القضيه منذ 9 اشهر نقريبا

اول تعارف لي بنجل الفخراني لم اكن اعلم انه نجله فقد عرفته عن طريق شخص لا داعي لذكر اسمه كان يريد ان انضم لمجموعته و قال لي انه معه جميع الموارد سلاح و ذخيرة و انه يسخر تلك الأدوات للوقوف بوجه نظام الجماعه لم اوافق و ايضا لم ارفض فقد تقربت منه قليل كان من ضمن مخططهم حرق مقرات الجماعه رصد و التنفيذ مع كوادر قيادات الجماعه

وبالفعل قاموا بحرق أكثر من 20 مقر للجماعه

رصد وقتل القيادات و الكوادر لا اعلم ان قاموا بذلك فما اقوله شهاده حق لن اقوم بالكذب و الافتراء

شاركوا في العديد من الاشتباكات امام جماعه الاخوان من ضمنها احداث رمسيس ، المقطم ، و الحرس الجمهوري ، بين السريات ، و المنيل

تلك المجموعة قد نسقت مع محمد وديع فيما بعد واصبحوا يقومون بالعمل الثوري معا

كان الممول الاول والاخير لتلك المجموعة الذي جعل نجله يقودهم بنفسه هو حمدي الفخراني بالامر من اسياده

أعضاء المجلس العسكري

وهذا ايضا جزء من وسخات ميدان

وما خفي كان اعظم

‫#‏وسخات_ميدان 13

نافذة اخره لقذرات المجموعات التابعة للنظام كما قلنا فيما سلف ذكره في وسخات ميدان أن كل تلك المجموعات مرتبطه ببعضها البعض هم جميعا يعملون لجهة واحده وقد يكونون لا يعرفون بعضهم البعض وذلك جزم واجتهاد مني قد يكونون جميعا يعرفون بعضهم

أسامة منصور بدوي يقول إنه موجود من ال 18 يوم وانه كأن منسق حملة عسكر كاذبون بالغردقة فإذا كأن موجود فعليا من ال 18 يوم ذلك في حد ذاته كارثة فوجود أشخاص كاهؤلاء بيننا منذ ال 18 يوم يثبت لي أننا تم اختراقنا منذ البداية لكننا كنا غافلين

أول مرة أرى هذا الشخص كأن في ذلك الاعتصام النجس أول اعتصام يقام ضد الإخوان الذى قد أقيم بعد أحداث محمد محمود ( 2 )

هذا اليوم كان أول يوم لي اشارك في الاعتصام

ظهر بعد أن حدثت مشكلة بيني وبين حمادة المصري هي مش مشكله والا حاجه أنا بس اول ما نزلت الاعتصام لقيت الرجالة كلها شايله سلاح وبتضرب نار فسألت مين اللي شايلهم السلاح فا واحد من إخوتنا قالي حمادة المصري وألحق يا مهند علشان هو هيضيعهم

اللي مسكين السلاح مكنوش فاهمين حاجة كلهم محدش فيهم عدى ال 21 سنه كانوا فرحانين بالسلاح لعبه جديده عليهم وخليتهم يحسوا أن هما كده رجاله من الآخر المهم حمادة أخد نصيبوا وبزياده واتمسح بكرمته الأرض ولو كأن رد عليه كنت هضربه مش ممكن انا كنت هعمل كده فعلا

بس هو حوال يمتص غضبي وقالي هفهمك بس أهدي أنت لسه خارج من السجن وفاتك كتير ومتعرفش حاجة المهم روحت قعدت معاه في الخيمه اللي عند المجمع وكأن من ضمن إللي قاعدين عباس الراوي وأسامه منصور وقعد يحاول يشرح لي أن السلاح ده علشان نحمي بيه نفسينا وأن الإخوان هما اللي اضطرونا أننا نمسك السلاح وكأن دايما في كلامه بيستخدم صيغه الجمع وكأن بيأكد علي كلامه اللي حواله المهم أنا شبه فهمت أن الناس دي شمال فسيبتهم ومشيت وروحت لصحابي إللي هما المفروض المجموعة اللي بيحركها وبيمدهم بالسلاح والذخيرة وللعلم كلهم مكنوش صحابي اللي كنت اعرفهم فيهم وكانوا قريبين ليا ثلاثة و الباقي ضموا عليهم في فترة سجني بس كلهم كانوا عارفني علشان اللي المفروض اللي هما صحابي حكوالهم عني كتير فقعدت معاهم لقيتهم عجبهم فكره أن هما يبقوا معاهم سلاح صحابي وانا عارفهم وصلت معاهم لاتفاق مكنوش كلهم موافقين عليه

قولت لهم مش عجبكم السلاح خدوا ومحدش يقدر يقولكوا فين الحاجه اللي اخدتوها هو اصلا بيتحامي فيكوا بناقص من حمادة

هتروحوا في داهيه بسببه وبالفعل عملت كده لمدة أربع أيام وبعديها اتصابت في وشي بطلقه خرطوش والكل مكنش عنده أمل اني هعيش رجع حمادة لف عليهم وعرف يجبهم تاني أنا كنت بين الحياة والموت فا معرفتش اعملهم حاجه وفعلا اللي نبهتهم ليه حصل كلهم اتحبسوا حتي حمادة اتباع معاهم

بس حمادة اللي كأن يعرفوا مكنش قليل فاكان لازم يخرج

فوقت بفضل ألله ورجعت وقفت علي رجلي من الطلقه إللي أخدتها غدر من كلاب الداخليه لقيت إللي شبه متولي الأمور هو أسامه منصور من بعد حبس حمادة

بعيدا عن السلاح والذخيرة اللي أسامة كأن بيجبها

اسامة جاب في خلال 6 شهور اكثر من 5 بنادق خرطوش

و3 بنادق حي وذخيره متعدش وده إللي أنا متأكد منه وما خفي كأن اعظم وكأن بيقول أن هو بيجيب الحاجه دي من رأس ماله الحر حباً في الثورة مش أكثر

أسامه كأن عنده دائره علاقات غير طبيعيه وصلت علاقته أن هو كأن شبه يوميا بيقعد مع الزند وتهاني الجبالي وكأن معاه ارقمهم الخاصه وبيكلمهم في اي وقت

أسامه قام بعمل جبهة دفاع تضم أبرز المحامين الموجودين علي الساحه من ضمنهم محمود قُبيش، سامح عاشور، حسام عيسى، نجاد البرعي، حافظ أبو سعدة

للعلم محمود قُبيش هو اللي بيترافع عن حسين سالم علشان يخلصلوا القواضي بتاعته ويرجع مصر

حسام عيسى أي نعم حسام عيسى كأن من ضمن مجموعة الكبار بتاعت مصطفي الجندي

سامح عاشور مش محتاج اعرف الناس بيه

كل هؤلاء كي يترافعون عن حمادة المصري

أسامه أنسحب من اللعبة منذ فترة ليست ببعيدة

ايام حزب 25 / 30 ده علشان ضحكوا عليه أو مش ضحكوا معجبوش اللي اتراملوا كأن شايف إن هو يستحق أكثر من كده

المره دي بقي مش مخابرات بس لا وكمان فلول يا ريت كلامي يكون لي لازمه ويفوق إللي بيقرا من الغيبوبة إللي هو فيه وأول مرحله للعلاج هو الإعتراف بالمرض مش عيب أنك تغلط بس العيب انك متوبش وتعترف بغلطلك إحنا أضحك علينا من جيل وسخ كأن وسطينا كأن كل همه السلطه والشهرة والمآل وياريت نعرف مين عدونا ومنكررش غلطنا لو احنا عايزين نكمل في طريق الثورة ونجيب حقنا وحق اخوتنا إللي ماتوا

واللي اتسجنوا لمجرد أن هما نزلوا ثورة علشان مؤمنين بحق أن هما عايزين يبقوا بني ادمين

الشباب هما الأمل وهما الثورة مش العواجيز والشعر الأبيض إللي ضيعنا

يسمح بنقل أو استخدام المواد المنشورة بشرط ذكر المصدر أي نوع من التعدي يعرض صاحبه للمسائلة القانونية