الاثنين، 15 أغسطس 2016

فضائح الحقوقية منال الطيبي المالية.. شهادة موظفة الحسابات في مركزها غير المرخص

من 5 سنين بعد وفاة اخويا وبعد ما طلع عيني من ناس كتير من الحقوقيين المشهورين واللي محدش عبرني فيهم علشان قضية رامي لان وقتها القضيه مكنتش مشهورة ولا حد يعرف عنه حاجه
المركز المصري لحقوق السكن اخد القضيه واشتغل عليها وده كان سبب شغلي هناك علشان اتابع قضيه رامي واجري عليها
وكعادتنا الثوريه كانت واخدانا جدا وكنا شايفين منظمات المجتمع المدني وحقوق الانسان هي المنقذ وهي اللي بتساعد
وده ما اقدرش انكره فعلا علي مؤسسات بعينها بس الموضوع فعلا ليه اوجه كتير اوي منها موضوع سرقة فلوس التمويل واللي بتعتبر هي اكل عيش لناس منهم ما اقدرش اجمع الكل في النقطه دي
المركز اللي كنت شغاله فيه والفتره الاخيره ابتدينا انا وزمايلي نلاحظ حاجات كتير مكنتش واضحه قصادنا للاسف السنين اللي فاتت من تلاعب ف حسابات المركز الحسابات اللي انا كنت بعملها للمركز كانت بتتاخد مني تترمي ف الزباله وفيه محاسب قانوني تاني بيظبط حسابات جديده الارقام مضروبه ف 5 و6 اضعاف سواء مرتبات او ايجارات او مصروفات واضافة بنود وهميه سواء باسامي موظفين وهميين مش موجودين ف المركز اصلا او ورش ومؤتمرات واصدرات عمرها ما اتعملت اصلا
عربيات تمنها زهيد بتيجي علي حس انها لشغل المكتب وف الاخر بتتاخد لاستعمالها الشخصي واضرب الاسعار ف 4 اضعاف
طول الوقت بيتقال لينا ان مفيش تمويل ومفيش فلوس بتيجي علي الرغم اني بستقبل تليفونات من البنك بصفه دوريه بان فيه حوالات للمركز
من اكتر من سنتين ونص بنحاول نشهر المركز علي حسب قانون الجمعيات علشان نشتغل قانوني وكل ما ناخد خطوة هي تعطل الاجراءات باي حاجه تفتعلها لانها طبعا مش عايزه ده ولا عايزه يكون عليها رقابه
يكون فيه قضيه تنزل المحاميين يجمعوا حالات والناس تعمل توكيلات للمركز تبعتها لجهة التمويل علي انها قضايا شغاله وساعة ما المحاميين ييجوا يرفعوا قضايا تقول مفيش فلوس وخدوا من الناس تكاليف رفع القضايا
نتفاجئ واحنا ف تقييم المركز من الجهة المانحه انها جايبه 4 او 5 موظفين ويقولوا قصاد اللي بيعمل التقييم انهم شغالين من 5 و6 سنين معانا بالكذب
ده غير الاوراق المضروبه طبعا اللي بتتقدم للضرائب
لما دورنا انا وزمايلي فعلا لقينا مستندات تثبت صحة كلامنا ده من 2008 لحد 2016 قررنا نمشي ونسيب المكتب ولما طالبناها بمكافاتنا عن فتره عملنا بالمركز رفضت تدينا اي حاجه وقالت قصادكوا المحاكم
الحقيقه قبل ما اتحرك انا وزمايلي ف اي خطوه اخدنا رأي ناس كتير جدا
كانت الاراء مختلفه اللي يقول ماينفعش تتساب بس انتو هتأذوا المراكز الحقوقيه كلها
واللي يقول هنجيبلكوا حقكوا واستكوا
واللي يقول انتو عاوزين تعملوا ثورة ع المراكز الحقوقيه كلها
واللي يقول انتو مالكو ماتسرق انتو ارتضيتوا تشتغلوا بالمبالغ دي
وتليفونات كتير بقي من الناس علشان نسكت
بس هو الموضوع بالنسبه لينا غير ماهما شايفينه او للاسف عمرهم ماهيشوفوه ب عنينا
انا كنت شغاله هناك وانا فاكره اني بساعد الغلابه وبساعد ان حقهم اللي الدوله واخداه يرجع ما اكنتش اعرف اني بساعد علي انهم يتسرقوا اكتر
الحقيقه اني اشتغلت هناك علشان حق اخويا اللي مات علشان الغلابه وعلشان البلد مش علشان كل اللي عرفته وشفته
انا وزمايلي قدمنا بلاغ للنائب العام ودي كانت الحاجه اللي ترضي ضميرنا قصاد ربنا وتخلينا نقدر نحترم نفسنا ف يوم اننا شفنا غلط ومسكتناش عنه 

‫#‏المركز_المصري_لحقوق_السكن‬
‫#‏منال_الطيبي‬
‫#‏بيسرقوا_الفلوس_وبيتاجروا_بالغلابه‬




حدث خطأ في هذه الأداة