الاثنين، 29 يوليو 2013

انفراد: نص تحقيقات النيابة مع أبو العلا ماضي وعصام سلطان




صورة أرشيفية

ليل داخلي.. مكتب رسمي وشخص جالس وشخصين يقفان أمامه ومن خلفهم عدد من العساكر

وكيل النيابة: إنه في ساعته وتاريخه "اكتب يا ابني اليوم والتاريخ" تم فتح التحقيق مع المتهمين "اكتب أساميهم الرباعية"

وكيل النيابة: ما قولكما فيما هو منسوب إليكما؟
عصام: ايه هو اللي منسوب إلينا؟
النيابة: أنتو متهمين بقلب نظام الحكم
أبو العلا: هو فين نظام الحكم دا؟
عصام ضاحكا: انت بتتكلم جد؟
النيابة: انتوا بتهرجوا ولا ايه؟ انتوا عارفين عقوبة التهمة دي ايه؟
أبو العلا: بس دي مش تهمة أصلا
عصام: عقوبتها ايه يا ريس؟
النيابة: انتو بتتريقوا؟ قانون العقوبات سيطبق عليكو بحذافيره
أبو العلا: حضرتك عارف إن مفيش تهمة وإن مفيش قانون
عصام: أصلا مفيش نيابة. حضرتك شغال مع نظام انقلاب عسكري يعني مش قانوني أصلا واحنا مش معترفين بيه
النيابة: نعم نعم؟!!
أبو العلا: حضرتك ما تعرفش إن فيه انقلاب في البلد ولا ايه؟
عصام: أنا أشرح لحضرتك. احنا شاركنا في الثورة على مبارك. ودي كانت تهمة قلب نظام حكم برضه. وزينا مئات الألاف قيل عنهم بعدها أبطال وأطهار وكدا.. وبعدين انتخبنا رئيس شرعي.. وانقلب عليه الجيش اللي أمر حضرتك بالقبض علينا.. يعني حضرتك وكيل نيابة في نظام غير شرعي أصلا. يبقى قلب نظام حكم ايه بقى إذا كان النظام دا انقلب على نظام شرعي!!
أبو العلا: دا غير إنه فور سقوط نظام الإنقلاب فإن النظام اللي حضرتك بتتكلم عليه دا كله هيتم إعدامه في الميادين غالبا مش هيبقى فيه محاكمات ولا تحقيقات.
النيابة: لما يبقى يسقط نبقى نشوف
عصام: طب حضرتك عاوز مننا ايه دلوقتي؟
النيابة: انتو متهمين وأنا باحقق معاكم
أبو العلا: احنا مش معترفين بحضرتك ولا بالنائب العام اللي بيرأس حضرتك
عصام: ولا بالنظام العسكري الإنقلابي اللي مشغل حضرتك
 النيابة: اللي انتو بتقولوه دا هيزيد مشاكلكم مشاكل أصلا
أبو العلا: العمر واحد والرب واحد
عصام: يا ريس حضرتك مش فاهمنا ليه؟ النظام اللي حضرتك بتتهمنا بمحاولة قلبه دا معتقل الرئيس الشرعي المنتخب في مكان غير معلوم والعالم كله عارف دا.. جاي حضرتك تحقق معانا احنا هههههه
النيابة: أنا باشوف شغلي يا أستاذ وانت محامي وعارف
عصام: وعشان أنا محامي وعارف فأنا باقول لحضرتك ما تتعبش نفسك.. الحكم صادر من قبل القبض علينا. والتحقيقات دي تضييع وقت فبلاش منها
أبو العلا: كدا كدا الأوامر هتيجي للقاضي بالحكم من أمن الدولة
عصام: قصدك من الشئون المعنوية يا باشمهندس
أبو العلا: مش فارقة كتير يا عصام
النيابة: خدهم حطهم في الحجز يا عسكري

انتهى

مشهد من روايتي اللي باكتبها عن المرحلة الإنتقالية العسكرية الثانية



يسمح بنقل أو استخدام المواد المنشورة بشرط ذكر المصدر أي نوع من التعدي يعرض صاحبه للمسائلة القانونية

هناك 20 تعليقًا:

  1. قصتك اقرب ما تكون لما سيحدث فعلا اثناء التحقيقات
    اكمل فى انتظار باقى المحاكمة

    ردحذف
  2. خيالك واسع ..
    بس اقرب للحقيقه

    ردحذف
  3. "الدستور أساسا .. و دائما"
    الشعب يريد دستور جديد (لا للترقيع) ..
    فهل يصنع المستقبل من لا يعرف التاريخ؟
    حتى ينجز الشعب المصري مهمته الرئيسة، و هي كتابة "دستور لكل المصريين".. فلنعرف: من يكتب الدستور؟ او كيف يحكم تمثيل الشعب (فكريا و مؤسسيا)؟
    فالى متى يتواصل جهل قادة القوى السياسية ب"وثيقة التوافق الوطني"؟ أم انهم يعمدون لهدر أسس العمل المشترك؟، و ينكفئون على أفقهم الحزبي الضيق؟. و يرفضون تأسيس "دولة الشعب"؟
    النقابات المهنية (المهنيون تسعة ملايين .. هم كل من تعلم و يعمل) ما هو دورها التاريخي في ارساء "التوافق الوطني" على الدستور؟
    من الذي عطل فاعلية النقابات المهنية؟، و ما الذي يعطل المهنيين المصريين اليوم؟
    يرجى مناقشة هذه "الخارطة" و نشرها على اوسع نطاق .. (الجزءالاول من جزئين)؟
    https://www.facebook.com/photo.php?v=10200733368031108&saved
    "الخارطة" كاملة
    http://www.youtube.com/watch?v=qPGBancbibA&list=PL324382991820CCFE&index=77

    ردحذف
  4. ههههههه واللهى انا صدقت بس فعلا هذا النص قريب لما يحدث والبقية تأتى هما هايعتقلو ويلفقو تهم لاى حد ممكن يترشح ويكون ضدهم ياااااااااه هما هايلاحقو منين ولا منين دحنا عايشيين ايام ما يعلم بها الا ربنا والحسرة الكبرة على شبابنا اللى بتروح برصاص الغدر يا ريت اسرائيل اللى كانت بتعمل كدة على الاقل الواحد يروح يقتل فيهم من غير مايحس بالذنب بس يا خسارة اللى بيقتلك مصرى زيك هاتعمل ايه غير الصبر وفرج ربنا .

    ردحذف
  5. هو ده اللى هيحصل بالفعل

    ردحذف
  6. والله الشعب المصرى ده لما بيفوق بيبدع الله يقويك انت فنان قارئ للحدث بحد

    ردحذف
  7. ههههههههههه .. مسائلة قانونية ايه يا عم الحاج .. ما عصام سلطان لسه قايل لك مافيش قانون ولا نيابه
    :D

    ردحذف
  8. لا هو اصلا وكيل النيابة مش هايعطى لهم فرصة انهم يتكلموا اصلا هو هيسال السؤال ويقول الاجابة بردوة وبعدين يعتقلهم..

    ردحذف
  9. ههههههههه والله هو ده اللي هيحصل ( ده اذا كان محصلش اصلا)
    رجاله

    ردحذف
  10. والله يااستاذ عصام انت راجل جدع ووطنى وعندك ضمير واهم من كدة مؤمن باللة وعارف ان العمر واحد والرب واحد وانا متوقع ان كل اللى زيك هايعملوا كدة واحنا هانتعلم منكوا كتير ربنا مايحرمنا منك ومن اللى زيك ويارب خد المنقلبون اخذ عزيز جبار امين

    ردحذف
  11. حلوة صلاة النبي

    ده احنا هنتجره الحرية تجريييييييييييييييع

    ردحذف
  12. ده ممكن يضربهم بالنار وقتي ههههههه مستنيين الباقي

    ردحذف
  13. هههههههههههه جامد الحوار

    ردحذف
  14. فعلاً الخطة كالتالي : الإنقلابيون بعد ما عرفوا أن رجالاتهم من العلمانيون واللبراليين فقدوا كل شيء في الشارع المصري وليس لهم وجود أصلاً ومش ممكن هينجحوا في اي انتخابات واي انتخابات ستأتي بالإسلاميين ومن يناصرهم أو يناصر الشرعية أو حتى يكون مستقيم ، فقد خططوا لألصاق التهم لجميع هؤلاء حتى لا يحق لهم الدخول في الانتخابات وتصبح الساحة فارغة لهم ويكونوا مجلس شعب بمزاجهم وشورى بمزاجهم ورئيس على مزاجهم ونسوا أن هناك ملايين مشاريع شهادة من أجل الوطن ، وسوف يفشلوا أن شاء الله ولن يصلوا إلى مرادهم ، النصر والعزة للشرفاء أمثال أبو ماضي وسلطان والكتاتني وأبو اسماعيل وغيرهم فهم أمل الأمة من هؤلاء الخونة ..

    ردحذف
  15. ههههههههههه. عصام سلطان انا عارفه.. تحت الضغط بيقلب و بيبقى بطه بلدي .. مش بعيد يقولهم دا انا اللي اقترحت ع السيسي انه يعزل مووورسي ... دا انسان متلون ومع اول قفا . هيفضل يتمتم وخلاص .. انما ابوالعلا .. مش هيفتح بقه نوهائي . كان بيقول ان المخابرات بتشغل بلطجيه !! هيطلعوا على دماغه بلطجي بلطجي.

    ردحذف
  16. والله لم نترك من شارك الانقلاب العسكرى الغاشم الحكير لم نتركهم لم نتركهم وكل من استشهد اواوصاب وكل من تم القبض عليهم ايها الخونة ابطل نحنو مقتنعون بهذا ونتم سترو قريبا انشاء الله

    ردحذف