الخميس، 7 يونيو 2012

خريطة مسيرات جمعة الإصرار على العزل 8 يونيو 2012





ثورة 25 يناير العظيم اللى كل العالم بيتكلم عنها واللى اصبحت بتدرس كمثال لاعظم الثورات
ثورة 25 العظيمه خرجت من اجل اهداف عيش وحريه وكرامه وعداله اجتماعيه
كان هتافنا كلنا فى اليوم ده .. الشعب يريد اسقاط النظام
علشان تتحقق الحريه والكرامه والعداله ونلاقى العيش لازم يتم اسقاط النظام الفاسد اللى بقاله 30 سنه بيسرقنا وينهبنا ويعذبنا ويفسد كل شىء فى مصر
بعد مرور سنه ونصف من قيام الثوره اكتشفنا كلنا انه تم خداعنا
مفيش نتيجه للثوره لإن النظام لسه موجود
لسه الفساد موجود
لسه رجال الاعمال الفاسدين بيحكموا مصر
لسه كل حاجه زى ما هى
الثوار تم تشويههم
واعوان حبيب العادلى اللى قتل الثوار خرجوا براءه
يعنى الشباب الطاهر اللى خرج يوم 25 يناير وطالب بالعيش والحريه والكرامه والعداله واستشهدوا فى يوم 25 يناير وما بعده هيلاقوا ان اللى قتلهم خرج براءه
اللى فقدوا حياتهم واللى فقدوا عنيهم علشان كلنا نعيش حياه احسن هيلاقوا ان النظام بيرجع تانى ومبارك هياخد براءه وسفاحين الداخليه اخدوا براءه والفساد بيرجع تانى
وكمان شفيق دخل انتخابات الرئاسه
شفيق اللى قعد سنين كوزير طيران جزء من منظومه فاسده
شفيق اللى كان ليه دور فى مقتل شباب فى يوم موقعة الجمل
شفيق المطارد بعشرات قضايا الفساد ونهب اموال الدوله سواء فى مطار القاهره او اراضى اسر الطيارين او اراضى مارينا
شفيق بينافس بقوه على انتخابات الرئاسه وبيدعمه ظباط امن الدوله السفاحين وبيدعمه كل شبكة رجال الاعمال الفاسده اللى كانت بتنهب مصر ايام مبارك
عايزين يرجعوا تانى
شفيق فيه قانون بيمنع ترشحه للانتخابات
شفيق مكانه السجن مش كرسى الرئاسه
هاننزل كلنا فى جمعة الاصرار على العزل
شفيق مكانه السجن مش كرسى الرئاسة



مسيرات محافظة القاهرة:

دوران شبرا عند مسجد الخازندار
ميدان رمسيس مسجد الفتح
المعادى وجنوب القاهره جامع الفتح
السيده زينب , مسجد السيده زينب

تتحرك المسيرة عقب صلاه الجمعة مباشرة و تتوجه الى ميدان التحرير ..

مسيرات محافظة الجيزة:

من مسجد الاستقامة بالجيزة ..
تشارك فيها مجموعات :الهرم - اكتوبر- الجيزة - جنوب الجيزة
تتحرك المسيرة عفب صلاة الجمعة مباشرة و تتوجه الى ميدان التحرير .. و في الطريق تقابل مسيرة الدقي تحت كوبري الدقي في ميدان الدقي.

من مسجد مصطفى محمود بالمهندسين...
تشارك فيها مجموعات : الدقي - امبابة - الوراق
تتحرك المسيرة عقب صلاه الجمعة مباشرة و تتوجه الى ميدان التحرير ..و في الطريق تقابل مسيرة الجيزة في ميدان الدقي تحت كوبري الدقي.

الاسكندرية:
صلاة الجمعة من مسجد شرق المدينة بسيدي بشر


باقى المحافظات يتم التجمع فى المساجد الرئيسيه فى كل محافظة





يسمح بنقل أو استخدام المواد المنشورة بشرط ذكر المصدر أي نوع من التعدي يعرض صاحبه للمسائلة القانونية

ليست هناك تعليقات:

إرسال تعليق