الأحد، 8 سبتمبر 2013

حليم علام يكتب: هي دي الجزيرة اللي احنا عارفينها.. انتو مين يا حثالات الإعلام العربي؟!






لو سألتني عن "الجزيرة"....

بفتكر إنها القناة اللي نقلت الغزو الأمريكي لأفغانستان وكانت النافذة الوحيدة اللي بيطلع عليها المجاهدين
بفتكر إنها القناة اللي بثت للعالم جرايم أمريكا في العراق وقصفها بالقنابل الانشطارية
بفتكر إن المبنى الوحيد لقناة إخبارية اللي تم قصفه في العراق أثناء الغزو كان مبنى قناة الجزيرة
بفتكر إنها القناة الوحيدة اللي فضحت الكيان الصهيوني في عدوانه على الفلسطينيين في الإنتفاضه الثانية وظلت تضغط إعلامياً على الرأي العام بمشهد قتل محمد الدرة ليتحرك العالم لوقف ذبح إخواتنا الفلسطينيين
بفتكر إنها القناة الوحيدة اللي نقلت مذبحة جنين
بفتكر إنها القناة اللي فضحت الكيان الصهيوني في حربه على غزة في وقت كانت السي إن إن والبي بي سي واقعة تحت تأثير اللوبي الصهيوني وبتتكلم عن حماس كجماعة إرهابية والصهاينة كجيش محترف
بفتكر إنها القناة العربية الوحيدة اللي إنحازت لثورة تونس وبعدها الثورة في مصر وليبيا وسوريا
بفتكر إنها أكتر قناة إخبارية عالمية بتابع أخبار المهجرين الفلسطينين والأقليات المسلمة والعربية في العالم
بفتكر إن في ٢٨ يناير هي اللي عرضت فيديوهات الثورة وضرب المتظاهرين على الكوبري وقتل الناس في السويس ويومها نوارة نجم قالت إن لولا الجزيرة كنا اتدبحنا في الشوارع
بفتكر إن هيلاري كلينتون اتكلمت عن الجزيرة إنجليش اللي فتحت في أمريكا وقالت فيما معناه إنها يجب تمشي على النظام اللي قنواتنا ماشية عليه
بفتكر إن أي نظام مستبد بيخاف من الفضايح أسهل حاجة عنده إنه يشوش عليها ويعتقل مصورينها ويقفل مكاتبها
الجزيرة مش محايدة.. الجزيرة منحازة للقضايا العادلة من وجهة نظرها.. الإعلاميين اللي فيها معظمهم ليه انتماءات محافظة سواء قومية أو دينية مش عندهم تفسخ ديني وأخلاقي وإنحلال من أي أفكار شرقية
الجزيرة مش هتلاقي عليها كائن فاشي بيقولك هندي السوريين بالجزمة.. ولا صحفي أهبل بيحكي عن الكرة الأرضية في رابعة.. ولا مهووس عقلي بيحدف الكاميرا بالبيض وهو عبارة عن بيضة كبيرة متحركة.. ولا أقرع وعاوز ينزل التحرير ملط.. ولا حيزبونة كانت ماشية مع الإسلاميين بمبدأ عداوتهم ما بقينا.. ولا وائل حريقة اللي قال جماعات الأمر بالمعروف وهم وبعدها بأسبوع عمل حلقة عنها.. ولا قرموط بتاع الأمن بيقوله على الهوا اطلع فاصل حالاً.. ولا واحدة بتقولك أوباما إخوان... ولا واحد بيقولك حزمة الجرجير فيها كام عود.


انتم مين عشان تتكلموا على مهنية الجزيرة يا حثالات الإعلام العربي!!








يسمح بنقل أو استخدام المواد المنشورة بشرط ذكر المصدر أي نوع من التعدي يعرض صاحبه للمسائلة القانونية
حدث خطأ في هذه الأداة